Buhay Aktibista

Isang buong mag araw, isang maghapong paghihirap, ganyan ang aktibista. Pinaglalaban ang karapatang ayaw nilang ibigay. Lahat ay nagpapawis at ang lahat ay nais iparating ang nais nilang karapatan.Mahirap ngunit masaya lalo na kung sama-samang nagtutulungan. Isang Aktibista? Oo at isa ako duon.

Hawak ang kartolina na kung saan dito nakasulat ang nais naming iparating. Nakataas ang kamay habang isinisigaw ang mga hinanaing. Kapit bisig at sobrang tatag na ang mga militari. Nag iinit ang ulo ng lahat lalo pa't hindi kami pagbigyan ng lahat. Haharapin kung ano man ang maisusugod sa amin.

Malakas na hampas ng tubig ang sasalubong sa amin. Ang iba'y mapapurong, ang iba'y tatalsik ngunit lahat kami ay di sumusuko.Lakas ng loob na susugod kahit marami na pulis ang pumipigil. Kahit ang iba'y tapak na sa sobrang pananakit nila. Babangon pa rin at hindi uurong.

Sadyang ipaglalaban ang lahat, kung ito ay sadyang ikabubuti ng lahat. Kami sana'y pagbigyan na, kami sana'y pakinggan na. Ang tengang nakatakip ay sana'y mabuksan na. Lahat kami ay naghahangad ng isang maayos na pagtanggap. Matitigil ang lahat upang welga'y matapos na.